(વર્તમાન પ્રવાહ ન્યુઝ નેટવર્ક)
ચીખલી તાલુકાના તલાવચોરના શામળ ફળિયા વિસ્તારમાં દિપડો લટાર મારતો હોવાનો વીડિયો ફરતો થવા પામ્યો છે. પ્રાપ્ત વિગત મુજબ રાત્રી દરમ્યાન શામળા ફળિયાના મુખ્ય માર્ગ પરથી કદાવર દિપડો પસાર થતો હોવાની વીડિયો બહાર આવ્યો છે. આ દિપડો શામળા ફળિયાના ખેડૂત સંજયભાઈ નટુભાઈ પટેલના ખેતર તથા આજુબાજુના વિસ્તારમાં છેલ્લા ઘણા સમયથી વસવાટ કરતો હોવાનું અને દિપડાનો આ વીડિયો ગતરાત્રીનો હોવાનું શામળા ફળિયાના શ્રેયસભાઈએ જણાવ્યું હતું. વીડિયો બાદ વન વિભાગ દ્વારા પાંજરૂં ગોઠવવાની કવાયત હાથ ધરવામાં આવે તેવી માંગ ઉઠવા પામી છે.
(તસવીરઃ દિપક સોલંકી)
