(વર્તમાન પ્રવાહ ન્યુઝ નેટવર્ક)
દમણ, તા. 13 : નાની દમણના સમુદ્ર નારાયણ મંદિર જેટીથી હોટલ પ્રિન્સેસ પાર્ક દેવકા સુધીના રોડને વાહનો તથા રાહદારીઓની અવર-જવર માટે બીજો આદેશ જારી નહીં થાય ત્યાં સુધી બંધ કરવાનો આદેશ સીઆરપીસીની 144 કલમ અંતર્ગત દમણના કલેક્ટર અને જિલ્લા મેજીસ્ટ્રેટ ડોક્ટર તપસ્યા રાઘવે જારી કર્યો છે.
સમુદ્ર નારાયણ મંદિરથી પ્રિન્સેસ પાર્ક દેવકા સુધીના બીચ રોડ ઉપર વાહનો અને રાહદારીઓની અવર-જવરના કારણે એજન્સી દ્વારા ચાલી રહેલા કામોમાં અવરોધ આવવાની સાથે સલામતિનો પણ પ્રશ્ન ઉપસ્થિત થઈ રહ્યો છે, તેથી આ રસ્તાને સંપૂર્ણ રીતે અવર-જવર માટેબંધ કરવાનો આદેશ કરવામાં આવ્યો છે.