(વર્તમાન પ્રવાહ વાપી બ્યુરો)
વાપી, તા.14: વાપીની શ્રી એલ.જી. હરિઆ મલ્ટિપર્પઝ સ્કૂલમાં બાળદિન નિમિત્તે વિજ્ઞાન પ્રદર્શન-વિંગસ ઓફ વિસડમ યોજવામાં આવ્યું. જેમાં અતિથિ વિશેષ તરીકે શ્રી ચંદ્રકાંત મોદી (ડાયરેક્ટર ઓફ અવધૂત ઈન્ટરમિડિયેટ પ્રા.લિ.) ઉપસ્થિત રહ્યા હતા. પ્રદર્શનની શરૂઆત એમના કરકમલો દ્વારા દિપ પ્રગટાવી કરવામાં આવી હતી. આ પ્રદર્શનમાં વિદ્યાર્થીઓએ વિવિધ તેજસ્વી પ્રયોગો રજૂ કર્યા હતા. જેને નિહાળી વિદ્યાર્થીઓ તેમજ તેમના વાલીઓ ખૂબ જ આનંદિત થયા હતા. શાળાનાં ટ્રસ્ટીગણ પણ આ પ્રસંગે ઉપસ્થિત રહી વિદ્યાર્થીઓને પ્રોત્સાહન આપ્યુ હતુ તથા બાળદિન નિમિત્તે વિદ્યાર્થીઓને લકી ડ્રો દ્વારા વિવિધ ઈનામો આપવામાં આવ્યા હતા. શાળાના મેનેજમેન્ટ તથા પ્રિન્સિપાલ શ્રીમતી બીની પૌલે વિજ્ઞાન વિભાગના શિક્ષકો અને વિદ્યાર્થીઓની ટીમને અભિનંદન આપ્યા.
