(વર્તમાન પ્રવાહ ન્યુઝ નેટવર્ક)
દમણ, તા.17: આવતી કાલ તા.18મી નવેમ્બરના સાંજના 6:00 વાગ્યાથી 20મી નવેમ્બરની સવારે 6:00 વાગ્યા સુધી દમણમાં તમામ ભારે વાહનો, ટ્રકોની અવર-જવર ઉપર પ્રતિબંધ લગાવવામાં આવ્યો છે. આ પ્રતિબંધ 19મી નવેમ્બરના રોજ દમણ જિલ્લામાં સૂચિત વીવીઆઈપી વિઝિટને અનુલક્ષીને લગાવવામાં આવ્યો છે. દમણના વિવિધ ઉદ્યોગોમાં ટ્રાન્સપોર્ટ સેવા આપતા ટ્રાન્સપોર્ટરોને પણ દમણ જિલ્લામાં ભારે વાહન અને ટ્રકોની અવર-જવર ઉપર લાદવામાં આવેલ પ્રતિબંધની જાણ કરવામાં આવી છે.
દમણના સબ ડિવિઝનલ મેજીસ્ટ્રેટ શ્રી મોહિત મિશ્રાએ ક્રિમિનલ પ્રોસિજર કોડ 1973ની કલમ 144 અંતર્ગત આ પ્રતિબંધ જાહેર કર્યો છે.