રમેશભાઈ પાલની બાઈકને કન્ટેનર નં.આરજે 40 જીજે 8147ના ચાલકે ટક્કર મારી હતી
(વર્તમાન પ્રવાહ વાપી બ્યુરો)
વાપી, તા.01: વાપી ચાર રસ્તા નજીક હાઈવે મુંબઈ તરફની ટ્રેક ઉપર કન્ટેનર ચાલકે બાઈક સવારને ટક્કર મારી દેતા ગંભીર અકસ્માત સર્જાયો હતો. જેમાં બાઈક ચાલકનું સારવારમાં મોત નિપજ્યું હતું.
વાપી ચાર રસ્તા પાસે શનિવારે સાંજના મુંબઈ તરફ જઈ રહેલ કન્ટેનરે ચાર રસ્તા નજીક બાઈક ચાલકને ટક્કર મારી અકસ્માત સર્જ્યો હતો. બાઈક ચાલક રમેશભાઈ પાલને ઘાયલ હાલતમાં રિક્ષા ચાલક નવજીવન હોસ્પિટલમાં લઈ આવ્યો હતો. ક્રિએટીવ ટેક્સટાઈલ કંપનીમાં નોકરી કરી રહેલ પુત્રઅભિષેક ઉપર તેની પત્નીનો ફોન આવેલો કે પિતાજી જીવનદીપમાં અકસ્માત થતા ખસેડાયા છે. અકસ્માત બાદ રમેશભાઈની સ્થિતિ સારી હતી. વાતચિત કરતા હતા. રિક્ષા ચાલકે જણાવેલ કે, કન્ટેનર નં.આરજે 40 જીજે 8147ના ચાલકે અકસ્માત સર્જ્યો છે. પૂત્ર હોસ્પિટલ પહોંચ્યો ત્યારે ફેક્ચરની ઈજાઓ વધુ હોવાથી ગેલેક્ષી પાર્કમાં રહેતા રમેશભાઈ પાલને તબીબે મૃત જાહેર કર્યો હતો.
