(વર્તમાન પ્રવાહ ન્યુઝ નેટવર્ક)
સેલવાસ,તા.21: સેલવાસના એક યુવકે પોતાના ઘરમાં જ ગળે ફાંસો લગાવી આત્મહત્યા કરી જીવન ટૂંકાવતા ચકચાર મચી છે.
પ્રાપ્ત વિગત મુજબ સેલવાસ ડોકમરડી પુલ નજીક રહેતા દિનેશ પ્રભુનાથ ગુપ્તા (ઉ.વ.32) રવિવારની મોડી રાત્રિના 9:00 થી 10:00 વાગ્યાના સુમારે પોતાના ઘરમાં જ ગળે ફાંસો લગાવેલી હાલતમાં મળી આવ્યો હતો. ઘટનાની જાણ સેલવાસ પોલીસને કરતા પોલીસ સ્થળ ઉપર દોડી આવી હતી અને લાશનો કબ્જો લઈપોસ્ટમોર્ટમ(પી.એમ.) માટે સેલવાસની સિવિલ હોસ્ટિલમાં લઈ જવામાં આવી હતી.
મળેલ માહિતી મુજબ દિનેશ હોટલ સંચાલક હતો. આત્મહત્યાનું કારણ હાલ પતિ પત્નીનો ઝઘડો હોવાનું સામે ચર્ચાઈ રહ્યું છે. આ ઘટના અંગેની ફરિયાદ નોંધી વધુ તપાસ સેલવાસ પોલીસ કરી રહી છે.
