(વર્તમાન પ્રવાહ ન્યુઝ નેટવર્ક)
ચીખલી(વંકાલ),તા.05: ચીખલી તાલુકાના માણેકપોર ગામની સીમમાંથી ગત 9મી જૂનના રોજ પોલીસને આઈસર ટેમ્પોમાં રાસાયણિક ખાતરનો જથ્થો શંકાસ્પદ જણાતા ખેતીવાડી અધિકારીને જાણ કરી ટ્રક નં.જીજે-02-એક્ષએક્ષ-7729માં લાવી બે આઈસર ટેમ્પો જીજે-21-વાય-1547 અને જીજે-21-ડબ્લ્યુ-3207માં ખાલી કરાયેલ યુરિયા ખાતરની બેગ નંગ 500નો 1,33,250/- રૂપિયાનો જથ્થો અને ત્રણ વાહનો સાથે કુલ 29,33,250/- રૂપિયાનો મુદ્દામાલ કબ્જે કરી બારડોલી સ્થિત રાસાયણિક ખાતર ચકાસણીની પ્રયોગશાળામાં સેમ્પલ મોકલાવતા આ ખાતરનો જથ્થો નિમ કોટેડ યુરિયા ખાતરનો હોવાનું પ્રાથમિક તપાસમાં જ બહાર આવતા ચીખલીના ખેતીવાડી અધિકારી ચંદુભાઈ ગાંગોડા(રહે.બારીપાડા તા.આહવા, જી.ડાંગ)ની ફરિયાદ મુજબ મોહનરામ નૈનારામ મેઘવાલ (ધંધો-ડ્રાઇવિંગ, રહે.સરાગામ, તા.સીણધરી, જી.બાડમેર, રાજસ્થાન), ભાવેશ પટેલ (રહે.આમલિયા તા.ગણદેવી), ધર્માંરામ ઉદારામ મેઘવાલ (રહે.રાવતસર તા.સીણધરી, જી.બાડમેર, રાજસ્થાન) તથા અક્ષય પટેલ દ્વારા એકબીજાની મદદગારી થી યુરિયા ખાતરનો કારભાર કરનાર ઉપરોક્ત ચાર સામે આવશ્યક ચીજવસ્તુ ધારા તથા આઈઓઈસીની વિવિધ કલમોની જોગવાઈ હેઠળ ગુનો નોંધી વધુ તપાસ પોલીસે હાથ ધરી હતી.