(વર્તમાન પ્રવાહ ન્યુઝ નેટવર્ક)
સેલવાસ,તા.22: દાદરા નગર હવેલી અને દમણ-દીવ રમતગમત અને યુવા વિભાગ સેલવાસ દ્વારા પ્રશાસક શ્રી પ્રફુલભાઈ પટેલના માર્ગદર્શનમાં રમતગમત અને યુવા વિભાગના સચિવ અને નિર્દેશકશ્રીના સહયોગ દ્વારા એક દિવસીય ક્રિકેટ હરીફાઈનું આયોજન સ્પોર્ટ્સ કોમ્પ્લેક્ષ અને સાયલી ગ્રાઉન્ડ ખાતે આયોજીત કરવામાં આવી હતી. જેમાં અંડર 14, અંડર 17 અને અન્ડર 19 પ્રદેશની સરકારી અને ખાનગી શાળાના વિદ્યાર્થીઓએ ભાગ લીધો હતો. આ ટુર્નામેન્ટમાં પુરુષ અને મહિલા એમ બંને વર્ગના ખેલાડીઓએ ભાગ લીધો હતો.
