(વર્તમાન પ્રવાહ ન્યુઝ નેટવર્ક)
સેલવાસ,તા.28: દાદરા નગર હવેલીના આંબોલી ગ્રામ પંચાયત ખાતે રોટરી ક્લબ ઓફ દાનહ દ્વારા નિઃશુલ્ક આંખની તપાસ શિબિર યોજાઈહ હતી. જ્યારે જરૂરિયાતમંદોને ચશ્મા અને મોતિયાના ઓપરેશન માટેની શિબિર પંચાયત હોલ ખડોલીમાં આયોજીત કરવામાં આવી હતી. જેનું ઉદ્ઘાટન દીપ પ્રાગટ્ય કરી કરવામાં આવ્યું હતું. આ શિબિરમાં નવસારીથી આવેલ રોટરી આઈ ઈન્સ્ટીટ્યુટના ચેરમેન શ્રી રશ્મિભાઈ પટેલ અને ટ્રસ્ટી શ્રી રંજીતભાઈએ પણ મુલાકાત લીધી હતી. આ શિબિરમા અંદાજીત પાંચસોથી વધુ લોકોએ લાભ લીધો હતો. આ અવસરે રોટેરીયન વિરલસિંહ રાજપૂતે જણાવ્યું હતું કે, રોટરી કલબ દાનહ દ્વારા કેટલાક દિવસ પહેલા રખોલી પંચાયતમાં પણ આપ્રકારની શિબિરનું આયોજન કરવામાં આવ્યું હતું. જેમાં 700થી વધુ લોકોએ લાભ લીધો હતો. આ રીતે શિબિરો અન્ય પંચાયતોમાં પણ આયોજીત કરવામાં આવશે. આ અવસરે રોટરી ક્લબના પ્રેસીડન્ટ શ્રી રાજુભાઈ પટેલ, સેક્રેટરી શ્રી મિલનભાઈ પટેલ, રોટેરીયન યશવંતસિંહ પરમાર, શ્રી વિરલસિંહ રાજપૂત, જિલ્લા પંચાયતના સભ્ય શ્રી દીપકભાઈ પટેલ, સરપંચ શ્રી જયંતિભાઈ ધોડી, પંચાયતના સભ્યો સહિત મોટી સંખ્યામા ગ્રામજનો ઉપસ્થિત રહ્યા હતા.
