(વર્તમાન પ્રવાહ ન્યુઝ નેટવર્ક)
સેલવાસ,તા.04: દાદરા નગર હવેલીના લેબર વિભાગ દ્વારા ખાનવેલ હાઈસ્કૂલ પરિસર ખાતે પ્રશાસકશ્રીના માર્ગદર્શનમાં સ્થાનિક યુવાઓના આર્થિક અને સામાજીક સશક્તિકરણ માટે ઔદ્યોગિક એકમોના સહયોગ દ્વારા રોજગાર મેળાનું આયોજન કરવામાં આવ્યું હતું. આ રોજગાર મેળામાં અલગ અલગ કંપનીના 20 જેટલા સ્ટોલ લગાવવામાં આવ્યા હતા. જેમાં પ્રદેશના ઉમેદવારોએ રોજગારી મેળવવા માટે 456નું રજીસ્ટ્રેશન થયું હતું જેમાંથી 160 લોકોને જગ્યા પર જ નોકરી માટેના ઓફર લેટર આપવામાં આવ્યા હતા. ઉપસ્થિત રહેલા 456 નોકરીવાંચ્છુઓમાંથી 422 જેટલા ઉમેદવારોને ટેક્નીકલી ક્ષેત્રમિકેનિકલ, ઈલેક્ટ્રીકલ, સિવિલ તથા ફિટર, ટર્નર વગેરે વ્યવસાયલક્ષી યોગ્યતા ધરાવનાર વિવિધ ઉદ્યોગોમાં બીજા દૌરમાં તેઓને શૉર્ટલીસ્ટ કરવામાં આવેલ છે. આ રોજગાર મેળામાં ખાનવેલના આરડીસી શ્રી હિમાની મીણા, મામલતદાર શ્રી ભાવેશ પટેલ, લેબર ઓફીસર શ્રી મિહિર જોશી, કંપનીઓના પ્રતિનિધિઓ સહિત નોકરીવાંચ્છુ લાભાર્થીઓ ઉપસ્થિત રહ્યા હતા.
