November 30, 2025
Vartman Pravah
Breaking Newsદમણ

દમણના એક્‍સાઈઝ વિભાગે પટલારાના સિંગા ફળિયાના એક ઘરમાંથી 1920 બોટલ જપ્ત કરેલો દારૂનો જથ્‍થો

દમણના એક્‍સાઈઝ વિભાગે છેલ્લા 45 દિવસમાં પાડેલા દરોડામાં કુલ રૂા.33.72 લાખના દારૂની 53,508 બોટલ, એક હોડી અને 8 વાહનો જપ્ત કરી દારૂની થતી હેરાફેરી સામે શરૂ કરેલી લાલ આંખ

(વર્તમાન પ્રવાહ ન્‍યુઝ નેટવર્ક)
દમણ, તા.04: દમણના એક્‍સાઈઝ વિભાગે મોટી દમણ પટલારાના સિંગા ફળિયામાં એક ઘરમાંથી ગેરકાયદે રીતે સંગ્રહ કરેલ 1920 જેટલી દારૂની બોટલો જપ્ત કરતા ગેરકાયદે ધંધો અને હેરાફેરી કરતા તત્‍વોમાં ફફડાટ ફેલાઈ જવા પામ્‍યો છે.
પ્રાપ્ત માહિતી પ્રમાણે શનિવારે રાત્રે લગભગ 8:30 વાગ્‍યે દમણના એક્‍સાઈઝ ઈન્‍સ્‍પેક્‍ટર શ્રીદિક્ષિત આર. ચારણિયા અને શ્રી મિલનકુમાર જી. પટેલ તથા એક્‍સાઈઝ ગાર્ડ શ્રી અમિત રાજભર અને સંજના માંગેલાને પોતાના સાધનોથી ગુપ્ત માહિતી મળી હતી કે મોટી દમણના પટલારા ગામ ખાતે સિંગા ફળિયાના અક્ષયકુમાર ઠાકોર પટેલના ઘરે ગેરકાયદે રીતે દારૂનો સંગ્રહ કરવામાં આવેલ છે. એક્‍સાઈઝ વિભાગે તાત્‍કાલિક આ ઘરમાં દરોડો પાડતા ઘરમાંથી મોટી માત્રામાં દારૂની બોટલો જપ્ત કરવા તંત્રને સફળતા મળી હતી. વિવિધ બ્રાન્‍ડોની કુલ 1920 બોટલ એક્‍સાઈઝ વિભાગે જપ્ત કરી છે.
એક્‍સાઈઝ વિભાગે દાદરા નગર હવેલી અને દમણ-દીવના વિવિધ એક્‍સાઈઝ એક્‍ટ હેઠળ ગુનો નોંધી આગળની કાર્યવાહી શરૂ કરી છે.
અત્રે યાદ રહે કે, છેલ્લા 45 દિવસમાં દમણ એક્‍સાઈઝ વિભાગે કરેલા 45 કેસમાં કુલ 53,508 બોટલ જેની કિંમત રૂા.33 લાખ 72 હજાર 108 થાય છે અને 8 ગાડી તથા એક હોડી જપ્ત કરી દારૂની થતી હેરાફેરી સામે સખત અભિયાન શરૂ કર્યું છે.

Related posts

વલસાડ જિલ્લામાં ધો.10-12 બોર્ડની પરીક્ષા પૂર્વે આત્‍મ વિશ્વાસ હેલ્‍પલાઈનનો પ્રારંભ કરાયો

vartmanpravah

ડોકમરડી બોર્ડર પર દાનહ P.W.D. દ્વારા નિર્મિત દિવાલ અસામાજીક તત્‍વોએ ધ્‍વંસ્‍ત કરી જમાવેલો અડિંગો બોર્ડર પર ગેરકાયદે બાંધકામ કરવા સાથે અવર-જવર માટે રસ્‍તાનું પણ કરેલું નિર્માણ

vartmanpravah

‘‘સ્‍વચ્‍છતા હી સેવા” અભિયાનઃ ધરમપુર, કપરાડા, પારડી અને વાપીમાં વિવિધ પ્રવૃત્તિ હાથ ધરાઈ

vartmanpravah

વાપીમાં ગટર જામની સમસ્યાનો સ્વાગત કાર્યક્રમમાં ત્વરિત નિકાલ થતા ૫૦ ઘરના રહીશોને રાહત

vartmanpravah

રાનવેરી કલ્લા ગામે અગાઉની બોલાચાલીની અદાવતે બેને માર મરાતા બંને ઈજાગ્રસ્‍તોને સારવાર અર્થે હોસ્‍પિટલ ખસેડાયા: પોલીસે બનાવમાં ચાર જેટલા લોકો સામે ગુનો નોંધી વધુ તપાસ હાથ ધરી

vartmanpravah

વલસાડ અતુલ બંગલામાં પી.એસ.આઈ. ત્રણ કોન્‍સ્‍ટેબલ સહિત 19 શરાબ-કબાબની મહેફીલ માણતા ઝડપાયા

vartmanpravah

Leave a Comment