November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

પારડીના ગોઈમા ખાતેથી માનવ કંકાલ મળતા ચકચાર

  • લાકડા વીણતી મહિલાઓને નજરે ચઢતા પોલીસને કરી જાણ

  • ત્રણ થી ચાર માસ અગાઉનું નરકંકાલ હોવાનું અનુમાન

(વર્તમાન પ્રવાહ ન્‍યુઝ નેટવર્ક)
પારડી, તા.05: પારડી તાલુકા ના ગોઈમા ગામે ધામણ ફળિયામાં એક અવાવરૂ જગ્‍યામાં લાકડાં વીણવા ગયેલી મહિલાઓએ માનવ કંકાલ જોતા ગભરાઈ જઈ પારડી પોલીસને આ અંગે ની જાણ કરતા પારડી પોલીસે માનવ કંકાલ કબ્‍જે લઈ વધુ કાર્યવાહી હાથ ધરી છે.
પારડી તાલુકાના ગોઈમા ગામે ધામણ ફળિયા ખાતે આવેલ મૈના ફાર્મની બાજુમાં આવેલા નોર્થ લખીમપુર ટ્રાન્‍સમિશન કંપનીની પાવર પ્રોજેક્‍ટની વિવાદાસ્‍પદ અવાવરૂ જગ્‍યા આવેલી છે. ત્‍યાંથી પસાર થતી નહેરનું પાણી નજીકમાં રહેતા ખેડુતો ઉપયોગમાં લેતા આવ્‍યા છે. સ્‍થાનિકોએ આ અવાવરૂ જગ્‍યામાં ઉગેલું ઘાસ બે-ત્રણ દિવસ અગાઉ સળગાવ્‍યાં બાદ આજરોજ ગામની મહિલા લાકડા વીણવા જતા આ અવાવરૂ જગ્‍યા માનવ કંકાલ જોતા તેમણે ગામના અગ્રણીઓને જાણ કરતાં ગામના અગ્રણી બ્રિજેશભાઈ, મિતેશભાઈ સહિતના લોકો ઘટના સ્‍થળે દોડી જઈ કંકાલ જોતા ગામમાં ચકચાર મચી ગઈ હતી. પારડી પોલીસને આ અંગેની જાણ કરતાં પારડી પોલીસ મથકના પીએસઆઈ, આર. પી.ડોડીયા, ઉમેશ પટેલ સહિતની ટીમ તાત્‍કાલિક ઘટના સ્‍થળે દોડી જઈ પોલીસે ઘટનાસ્‍થળે સરકારી દવાખાનાના ડોકટરોને બોલાવી આ માનવ કંકાલના શંકાસ્‍પદ હાલતમાં વેર-વિખેર પડેલા માથાની ખોપડી, હાથ પગના હાડકાં એક ચેઈન, પર્સ, બ્‍લેટ, પહેરેલો પેન્‍ટ કબજે લઈ મળેલ કંકાલની સાચી ઓળખ માટે સુરત ફોરેન્‍સિક લેબમાં મોકલવાની તજવીજ હાથ ધરી હતી. આ કંકાલ ત્રણથી ચાર માસ પહેલાનું હોવાનું હાલમાં અનુમાન લગાવાઈ રહ્યું છે અને હત્‍યા થઈ હોવાની પણ આશંકા સેવાઈ રહી છે. ત્‍યારે ફોરેન્‍સિક રિપોર્ટ બાદ જ મામલો સ્‍પષ્ટ થશે.

Related posts

વાપીની સેન્‍ટ ફ્રાન્‍સીસ સ્‍કૂલની વિદ્યાર્થીની ટીમે ગુજરાત સ્‍ટેટ જુનીયર વોલીબોલ સ્‍પર્ધામાં પ્રથમ-દ્વિતીય સ્‍થાન મેળવ્‍યું

vartmanpravah

પ્રધાનમંત્રી નરેન્‍દ્રભાઈ મોદીની વિકાસની રાજનીતિનો સંઘપ્રદેશમાં પણ પડેલો પડઘો

vartmanpravah

દાદરા નગર હવેલી લેબર વિભાગે ખાનવેલ હાઈસ્‍કૂલમાં યોજેલો રોજગાર મેળો

vartmanpravah

વલસાડમાં જયેષ્ઠ નાગરિક મંડળની વાર્ષિક સભા યોજાઈ: 75 વર્ષથી વધુ વયના પેન્‍શનર્સનું સન્‍માન કરાયુ

vartmanpravah

દાનહ-ડીડી અંડર-17 ફતેહ ટ્રોફી ટેસ્‍ટ ટુર્નામેન્‍ટ-2024નો પ્રારંભ

vartmanpravah

શ્રી ભાવભાવેશ્વર મહાયજ્ઞ સમિતિ વાપીના ઉપક્રમે તા.07 થી 13 જાન્‍યુઆરીમાં શ્રી શિવ-શક્‍તિ મહાયજ્ઞ યોજાશે

vartmanpravah

Leave a Comment