(વર્તમાન પ્રવાહ ન્યુઝ નેટવર્ક)
સેલવાસ,તા.11: દાદરા નગર હવેલીના દાદરા ગામ ખાતે આવેલ ગ્રોઅર એન્ડ વીલ ઇન્ડીયા લીમીટેડ દ્વારા આરોગ્ય તપાસ શિબિરનું આયોજન કરવામાં આવ્યું હતું. આ કેમ્પ કૃષ્ણા કેન્સર એડ એસોસિએશનના સહયોગ દ્વારા નેત્ર ચિકિત્સા અને મોતિયાની ચકાસણી, દાંતોની સંભાળ, મહિલાઓ સંબંધી સ્તન કેન્સરની ચકાસણી તથા અન્ય બિમારી, ડાયાબીટીસની ચકાસણીકરવામાં આવી હતી.
આ પ્રસંગે સંસ્થાના ચેરમેન શ્રી ઉમેશકુમાર મોરે, વાઈસ પ્રેસીડેન્ટ શ્રી રાકેશ કુમાર સિંહ, ઊર્મિલ આઈ હોસ્પિટલના તબીબ ડો. કલ્પના શાહ, ડો. વિનિત શાહ, ડેન્ટલ કેયરના ડો. મનોજ પટેલ, ડો. અમિતા ગૌતમ, 21ફર્સ્ટ સેન્ચુરી હોસ્પિટલના તબીબ ડો. અદિતિ નાડકર્ણી સહિત તબીબોની ટીમ, સંસ્થાના પ્રતિનિધિઓ અને મોટી સંખ્યામાં જરૂરીયાતમંદ લાભાર્થીઓ ઉપસ્થિત રહી શિબિરને સફળ બનાવી હતી.
