છેલ્લા 50 દિવસથી ગુંજાલીબેન પટેલ કંપની સહયોગ સી.આર.સી. હેઠળ આદિવાસી મહિલાઓને ચુલા અર્પણ કરી રહ્યા છે
(વર્તમાનપ્રવાહ વાપી બ્યુરો)
વાપી, તા.02: કપરાડા તાલુકાના સુખાલા ગામે છેલ્લા 50 દિવસથી સેવાયજ્ઞ ચાલી રહ્યો છે. વહેલી સવારથી જ સેંકડો બહેનો ઉમટી પડે છે. વાત એમ છે કે ગુજાલીબેન પટેલ દ્વારા આધુનિક ચુલાઓ બહેનોને અર્પણ કરવામાં આવી રહ્યા છે. આજદિન સુધી 41 હજાર ચુલાનું વિતરણ કરાઈ ચૂક્યુ છે.
જ્યાં સરકાર નહી પહોંચતી ત્યાં સમાજ કે અગ્રણી કંપનીઓ ગ્રામ્ય વિસ્તારમાં અનેક સેવાકીય કામગીરી કરી રહી છે. તેવી જ બાબત આજકાલ કપરાડાના સુખાલા ગામે જોવા મળી રહી છે. એક કંપનીના સહયોગ થકી ગુંજાલીબેન પટેલ જરૂરીયાતમંદ આદિવાસી મહિલાઓને આધુનિક ચુલા અર્પણ કરી રહી છે. ઓછું બળતણ અને ધુવાડો પણ ઓછો લાગે તેવા આધુનિક ચુલાના ઉપયોગ થકી મહિલાઓના સ્વાસ્થ્યને પણ ફાયદો થશે તેવુ કુંજાલીબેન પટેલએ જણાવ્યું હતું. અંતરિયાળ વિસ્તારમાં જરૂરી એવો આ સેવા યજ્ઞ 50 દિવસથી ચાલુ છે અને 41 હજાર ઉપરાંત ચુલા અર્પણ કરાયા છે.