નિવૃત્ત થયેલા મેડિકલ અને હેલ્થ સર્વિસિસના ડાયરેક્ટર ડો. વી.કે.દાસને કન્સલ્ટન્ટ તરીકે નિયુક્ત કરાયા બાદ ડાયરેક્ટર પદ ઉપર આઈએએસ અધિકારીની કરાયેલી વરણી
(વર્તમાન પ્રવાહ ન્યુઝ નેટવર્ક)
દમણ, તા.20 : દાદરા નગર હવેલી અને દમણ-દીવના મેડિકલ અને હેલ્થ સર્વિસિસના ડાયરેક્ટર તરીકે 2016 બેચના આઈ.એ.એસ. અધિકારી શ્રી અસકર અલીને વધારાનો હવાલો પ્રદેશના પ્રશાસકશ્રીએ સુપ્રત કર્યો છે. શ્રી અસકર અલી હાલમાં પ્રદેશના લેબર અને એમ્પ્લોયમેન્ટ વિભાગના સચિવ સહ આયુક્ત તરીકે ફરજ બજાવી રહ્યા છે.
સંઘપ્રદેશ દાદરા નગર હવેલી અને દમણ-દીવના મેડિકલ અને હેલ્થ સર્વિસિસના ડાયરેક્ટર ડો. વી.કે.દાસની નિવૃત્તિ બાદ તેમને પ્રદેશના મેડિકલ અને હેલ્થસર્વિસિસના કન્સલ્ટન્ટ તરીકે કરાયેલી નિમણૂક બાદ આ પદ ખાલી હતું. હવે સંઘપ્રદેશને એક આઈ.એ.એસ. ડાયરેક્ટર મળતાં આરોગ્ય સેવા વધુ લોકાભિમુખ બનશે એવી અપેક્ષા વ્યક્ત થઈ રહી છે.