(વર્તમાન પ્રવાહ ન્યુઝ નેટવર્ક)
સેલવાસ,તા.27 : સેલવાસના ટોકરખાડા વિસ્તારમાં આવેલ બીએસએનએલ ઓફીસમાં ગત મોડી રાત્રે શોર્ટસર્કિટ થવાના કારણોસર આગ લાગતા દોડધામ મચી ગઈ હતી.
પ્રાપ્ત વિગત અનુસાર મોડી મંગળવારની મોડી રાત્રે બે વાગ્યાના સુમારે બીએસએનએલની ઓફિસમાં લગાવયેલ એર કન્ડીશનરમાં શોર્ટસર્કીટ થતા અચાનક આગ પકડી લીધી હતી. ઓફીસની અંદરથી ધુમાડો નીકળતો જોતાં પડોશમાં રહેતા લોકોએ ફાયર વિભાગને જાણ કરતા ફાયર વિભાગની ટીમ ઘટના સ્થળે પહોંચી ગઈ હતી અને અડધા કલાકની જહેમત બાદ આગ પર કાબૂ મેળવ્યો હતો. ઓફીસમાં આગ લાગવાને કારણે જરૂરી સામગ્રી અને અન્ય સાધન-સામગ્રી બળીને ખાખ થઈ ગયા હતા.
