મોલમાં ગત તા.16-9-18માં પોલીસે કુટણ ખાનુ ઝડપ્યુ હતું : આરોપી સંચાલક શૈલેષ મનુગલકાણી વોન્ટેડ હતો : સુરતથી ઝડપાયો
(વર્તમાન પ્રવાહ વાપી બ્યુરો)
વાપી, તા.06: વલસાડમાં ચાર વર્ષ પહેલાં સાંઈલીલા મોલમાં ચાલી રહેલું કુટણખાનુ પોલીસે ઝડપી પાડયું હતું. કુટણખાનાનો મુખ્ય સંચાલક ભૂગર્ભમાં ચાલી ગયો હતો અને ચાર વર્ષ બાદ આરોપી સંચાલક શૈલેષ મનુભાઈ ગલકાણીને પોલીસે સુરતતી ઊંચકી લાવી જેલ ભેગો કર્યો છે.
વલસાડના જાણીતા સાંઈલીલા મોલમાં થાઈલેન્ડ તેમજ અન્ય યુવતિઓને બહારથી લાવી કુટણખાનુ ચલાવાઈ રહ્યાની બાતમી બાદ પોલીસે તા.16-9-2018માં રેડ પાડી હતી. જેમાં ચાર થાઈ યુવતીઓ અને બે ગ્રાહક ઝડપાયા હતા. પરંતુ કુટણખાનાનો સંચાલક શૈલેષ મનુભાઈ ગલકાણી ફરાર થઈ ગયો હતો તેથી પોલીસે વોન્ટેડ જાહેર કર્યો હતો. ત્યાર પછી પોલીસ સતત આરોપીને શોધતી રહી હતી. અંતે ચાર વર્ષ પછી આરોપી શૈલેષ ગલકાણીને જ્યારે જ્યારે પોલીસને બાતમી મળતી ત્યાં પહોંચતી હતી પરંતુ સફળતા મળતી નહોતી. અંતે વલસાડ પોલીસ ચાર વર્ષે આરોપીને સુરતથી ઝડપી પાડી જેલભેગો કર્યો હતો.
