(વર્તમાન પ્રવાહ ન્યુઝ નેટવર્ક)
સેલવાસ,તા.08: દાદરા નગર હવેલી કાપડી સમાજ દ્વારા સ્ટેડીયમ ગ્રાઉન્ડ સેલવાસ ખાતે બે દિવસીય ટેનિસ ક્રિકેટ ટૂર્નામેન્ટનું આયોજન કરવામાં આવ્યું હતું. આ ટૂર્નામેન્ટમાં 12 ટીમોએ ભાગ લીધો હતો. આ ટૂર્નામેન્ટ રમાડવાનો મુખ્ય ઉદ્દેશ સમાજના લોકોને એકત્રિત કરવાનો હતો.
ટૂર્નામેન્ટની ફાઈનલ મેચમાં ડોકમરડી ઈલેવન અને સાંઈ ઈલેવન ટીમ વચ્ચે રમાઈ હતી. જેમાં સેલવાસ સાંઈ ઈલેવન વિજેતા બની હતી. જ્યારે ડોકમરડી ઈલેવન રનર્સ અપ રહી હતી. વિજેતા અને રનર્સઅપ ટીમને ઉપસ્થિત આગેવાનોના હસ્તે ટ્રોફી અને પ્રોત્સાહન ઈનામ આપવામાં આવ્યા હતા.
