(વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.31: ચીખલી પોલીસે થાલા નેશનલ હાઈવે પરથી પશુ આહારની આડમાં લઈ જવાતો રૂ.2.60 લાખનો વિદેશી દારૂ સાથે બે ને ઝડપી પાડ્યા હતા.
બનાવની પોલીસ મથકેથી પ્રાપ્ત માહિતી અનુસાર પીએસઆઈ-સમીર જે.કડીવાલા, પોલીસ કર્મી તાહિર અલી, ગણપતભાઈ, સંદીપસિંહ, કેયુરભાઈ સહિતના સ્ટાફે બાતમીના આધારે રાત્રીના સમયે થાલા નેશનલ હાઈવે સાંઈ હોટલ સામે સુરત તરફ જતા રોડ ઉપર વોચ ગોઠવી હતી. દરમ્યાન બાતમી મુજબ આઈસર ટ્રક નં.જીજે-05-બીવી-9158 આવતા તલાસી લેતા પશુ આહારની ગુણોની આડમાં લઈ જવાતો બિયર વ્હીસ્કીની બોટલ નંગ-2304 જેની કિ. રૂા.2,60,160/- નો જથ્થો ઝડપી પાડી પશુ આહારની 62-ગુણ ઉપરાંત મોબાઈલ ફોન અને ટેમ્પો મળી કુલ રૂા.10,01,160/- નો મુદ્દામાલ કબ્જે કરી જીતેન્દ્ર ઉર્ફે જીગ્નેશ ચંપકભાઈ આહીર (ઉ.વ-33)(રહે.નનસાડ આહીરવાસ તા.કામરેજ જી.સુરત) તથા કમલેશ ઉર્ફે કૃણાલ મુકેશ પાટીલ (રહે.રામદેવ રેસિડેન્સી ગંગાધરા તા.પલસાણા જી.સુરત) એમ બે જેટલાને ઝડપી લઈ બે ને વોન્ટેડ જાહેર કરી વધુ તપાસ હાથ ધરી હતી.
