(વર્તમાન પ્રવાહ વાપી બ્યુરો)
વાપી, તા.02: વલસાડ શહેરમાં કાર્યરત એવી વિવિધ સંસ્થાઓને એક મંચ પર ક્રિકેટના માધ્યમથી લાવવાના હેતુથી એક ક્રિકેટ ટુર્નામેન્ટનું આયોજન કરવામાં આવ્યું હતું. જેમાં રોટરી ક્લબ વલસાડ, જે.સી.આઈ. વલસાડ, લાયન્સ ક્લબ વલસાડ, ઉમિયા સોશિયલ ટ્રસ્ટ અને ડોક્ટર્સ ટીમ વચ્ચે બે દિવસ સુધી ક્રિકેટ ટુર્નામેન્ટ ચાલી હતી. આ સ્પર્ધામાં દરેક ટાઈમ બીજી બધી ટીમ સાથે રમવાનું હતું.
આ વિચાર વલસાડ નગરપાલિકાના ઈજનેર હિતેશ પટેલને આવ્યો હતો અને તેમાંનાણાંકીય સહકાર મનોજ જૈન તરફથી મળ્યો હતો. ફાઈનલમાં લાયન્સ ક્લબની ટીમનો વિજય થયો હતો અને રનરઅપ તરીકે ડોકટરની ટીમ રહી હતી. મેં ઓફ ધ સિરીઝ તરીકે રોટરીના જતીન કંસારા, બેસ્ટ બેટ્સમેન તરીકે જે.સી.આઈ.નાં ભાવિન ટંડેલ, બેસ્ટ બોલર તરીકે ઉમિયા ટીમના હર્ષ પાડલીયા, બેસ્ટ ફિલ્ડર તરીકે લાયન્સ ટીમના તારક દેસાઈને એવોર્ડ એનાયત કરવામાં આવ્યા હતા. આ ઉપરાંત દરેક મેચમાં મેન ઓફ ધ મેચના મેડલ આપવામાં આવ્યા હતા. આ સમગ્ર આયોજન એક પરિવાર ભાવનાથી કરવામાં આવ્યું હતું. અને દરેક ટીમોને સાથે મળીને ખેલદિલી સાથે રમતો રમી હતી.
