રિક્ષા કન્ટેનરની સામે આવી જતા અકસ્માત સર્જાયો : સદ્દનસીબે કોઈ જાનહાની નહીં
(વર્તમાન પ્રવાહ વાપી બ્યુરો)
વાપી, તા.03: વાપી નેશનલ હાઈવે સલવાવ બ્રિજ પાસે આજે શુક્રવારે સવારે કન્ટેનર અને રિક્ષા વચ્ચે અકસ્માત સર્જાયો હતો. અકસ્માતમાં અન્ય કોઈ જાનહાની થવા પામી ન હતી.
વાપી નેશનલ હાઈવે અકસ્માત ઝોન બની ચૂક્યો છે. અહીં રોજેરોજ નાના મોટા અકસ્માતો સર્જાતા રહે છે. તેવો વધુ એક અકસ્માત આજે સલવાવ બ્રિજના છેડે સુરત તરફ જઈ રહેલ કન્ટેનરની આડે રિક્ષા આવી જતા કન્ટેનર ચાલકે કાબુ ગુમાવ્યો હતો તેથી કન્ટેનર ડિવાઈડર તોડી સામેની મુંબઈ ટ્રેકઉપર ચઢી જતા અકસ્માત સર્જાયો હતો. જો કે અકસ્માતમાં કોઈની જાનહાની થવા પામી નહોતી. અકસ્માત બાદ હાઈવે જામ થવા લાગ્યો હતો. ઘટના સ્થળે પહોંચી પોલીસે ટ્રાફિક નિયમિત કરવાની કવાયત હાથ ધરી હતી.