અકસ્માત સર્જી બુટલેગર કાર છોડી ફરાર : આઈસ્ક્રીમ ટેમ્પોમાં સવાર એક બાળક સહિતચ ત્રણનો ચમત્કારીક બચાવ
(વર્તમાન પ્રવાહ વાપી બ્યુરો)
વાપી, તા.03: વલસાડ પારનેરા રોડ ઉપર રવિવારે રાતે વલસાડથી અતુલ તરફ જઈ રહેલ દારૂનો વિપુલ જથ્થો ભરેલી કાર આઈસ્ક્રીમ ટેમ્પોને બુટલેગરે ટક્કર મારી દેતા ટેમ્પો પલટી ગયો હતો. બુટલેગર કાર છોડી ફરાર થઈ ગયો હતો. ટેમ્પોમાં સવાર એક બાળક સહિત બેનો ચમત્કારિક બચાવ થયો હતો.
વલસાડ અતુલ રોડ ઐયપ્પા મંદિર પાસે શેવરોલેટ કાર નં.જીજે 05 સીઈ 2066 માં દારૂનો જથ્થો ભરીને બુટલેગર ફુલ સ્પીડમાં ભગાવી જઈ રહ્યો હતો ત્યારે આગળ જતા આઈસ્ક્રીમ ટેમ્પો નં.આર.જે. 06 જીબી 3144 ને જોરદાર ટક્કર મારી દીધી હતી તેથી કાર રેલીંગ સાથે ભટકાઈ હતી અને ટેમ્પો અકસ્માતમાં પલટી મારી ગયો હતો. ગંભીર અકસ્માતમાં આઈસ્ક્રીમ ટેમ્પોમાં સવાર ચાલક સહિત એક બાળક અને એક ક્લિનર મળી ત્રણનો ચમત્કારિક બચાવ થયો હતો. લોકોએ અકસ્માતની જાણ કરતા રૂરલ પોલીસ ઘટના સ્થળે આવી ટેમ્પોને ક્રેઈનની મદદથી સીધો કર્યોહતો તેમજ કારને ટોઈંગ કરીને પોલીસ સ્ટેશન લઈ જવાઈ હતી. ફરાર બુટલેગર વિરૂધ્ધ પોલીસે ગુનો નોંધી વધુ તપાસ હાથ ધરીને ટેમ્પોને ખુબ મોટુ નુકશાન થયું હતું.
