દમણથી ઉમરગામ સુધીની 28 ટીમો ટુર્નામેન્ટમાં જોડાઈ હતી : ફાઈનલ વિજેતા ટીમને 95 અને રનર્સ ટીમને 65 હજારનો રોકડ પુરસ્કાર એનાયત
(વર્તમાન પ્રવાહ વાપી બ્યુરો)
વાપી, તા.21: કામલી સમાજમેમોરિયલ ક્રિકેટ ટુર્નામેન્ટનું આયોજન ચલા પટેલ ફળીયા મેદાનમાં કરવામાં આવ્યું હતું. જેમાં દમણથી લઈ ઉમરગામ સુધીની 28 ટીમોએ ભાગ લીધો હતો. વિજેતા અને રનર્સ ટીમને રોકડ પુરસ્કાર સહિત ટ્રોફી એનાયત કરવામાં આવી હતી.
કામલી સમાજની ક્રિકેટ ટુર્નામેન્ટ હિતેશ કિશોરભાઈ પટેલ અને અવિનાશ કિશનભાઈ પટેલના સ્મરણાર્થે આયોજન કરવામાં આવ્યું હતું. ચલા પટેલ ફળિયામાં આયોજીત થયેલી આ ટુર્નામેન્ટ દમણથી ઉમરગામ સુધીની કુલ 28 ટીમો વચ્ચે રસાકસીનો જંગ જામ્યો હતો. અંતે ફાઈનલ મેચ ચલા ડુંગરી ફળીયા ઈલેવન અને કેવડી ફળીયા ઈલેવન વચ્ચે રમાઈ હતી. જેમાં ચલા ડુંગરી ફળીયા ટીમ ફાઈનલ વિજેતા બની હતી. સમાજના ઉપસ્થિત મહાનુભાવોએ ખેલાડીઓને પ્રોત્સાહન પુરુ પાડયું હતું. ફાઈનલ વિજેતા ટીમને 95 હજાર અને રનર્સઅપ ટીમને 65 હજારનો રોકડ પુરસ્કાર હિતેશભાઈની પૂત્રી કિયારાને હસ્તે અર્પણ કરવામાં આવ્યો હતો.
