(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.21: સ્કૂલમાં ટીચરનું મર્ડર થયું છે તેથી ત્યાં સોનું પહેરી ન જવાઈ એમ કહી મહિલાએ ગળામાં પહેરેલ મંગળસૂત્ર ઉતરાવી બે ઠગ ફરાર થયા.
પ્રાપ્ત માહિતી અનુસાર ચીખલીના સમરોલી રઘુનાથ પાર્ક સોસાયટીમાં રહેતા હંસાબેન પ્રવિનચંદ્ર ગાંધી ચીખલી બજારમાં કામકાજ અર્થે ગયા હતા. દરમ્યાન મોટર સાયકલ પર આવેલ બે યુવાનોએ જણાવેલ કે સ્કૂલમાં ટીચરનું મર્ડર થયેલ છે. તેથી સોનુ પહેરીને ત્યાંથી ન જવાય તેમ કહી ગળામાં પહેરેલ બે તોલાનું મંગળસૂત્ર ઉતરાવી લઈ ફરાર થઈ ગયા હતા. મહિલાને ભોળવી આ રીતે ધોળા દિવસે મંગળસૂત્ર ઉતરાવી લઈ બે યુવાનો ફરાર થઈ જવાના આ બનાવમાં પોલીસ ચોપડે કોઈ ફરિયાદ નોંધાઈ ન હતી.