(વર્તમાન પ્રવાહ વાપી બ્યુરો)
વાપી, તા.23: ‘‘મુસાફરી તમારા હૃદયને ખોલે છે, તમારા મગજનો વિસ્તૃત કરે છે અને તમારા જીવનને વાર્તાઓથી ભરી દે છે.”
જ્યારે મિત્રો સાથે શેર કરવામાં આવે ત્યારે મુસાફરી હંમેશા વધુ સારી હોય છે. અમારા યુવા પોદારાઈટ્સને આનંદ માણવાની આ તક આપવા અને તેમના મિત્રો સાથે ગુણવત્તાયુક્ત સમય વિતાવવા માટે પોદાર ઈન્ટરનેશનલ સ્કૂલ વાપીએ ધોરણ-6 થી 11 માટે સુરત ખાતે વિશ્વના સૌથી મોટા ટ્રેમ્પોલિન પાર્ક‘વૂપ’ની સફર યોજી હતી. વિદ્યાર્થીઓ માટે ટ્રેમ્પોલિનના વિવિધ સ્તરો ખૂબ જ આનંદ દાયક હતા. તેમાં વીઆર રમતોનો ઉમેરો પણ થયો હતો. તેમજ સ્વાદિષ્ટ ભોજન પણ કરાવવામાં આવ્યું હતું.
‘‘ધરતી પર વારસાનું સ્વર્ગ હોય તો તે રાજસ્થાન છે.”
ગુજરાતમાં આ સ્વર્ગની અનુભૂતિ કરવા માટે, પોદાર ઈન્ટરનેશનલ સ્કૂલ વાપી દ્વારા ધોરણ-3 થી 5 ના વિદ્યાર્થીઓ માટે સુરત ખાતે ‘‘ચોકી ધાણી” સફર યોજવામાં આવી હતી. વિદ્યાર્થીઓ ત્યાં રાજસ્થાની સંસ્કૃતિ વિશે માહિતગાર થયા હતા. તેમજ જાદુ, પપેટ શો, ઊંટસવારી, માટીકામ અને નૃત્ય પ્રદર્શન સાથે વિદ્યાર્થીઓ માટે તે એક સુંદર અનુભવ થયો હતો. આ સાથે રાજસ્થાની વાતાવરણમાં તેમણે રાજસ્થાની ભોજનની મજા માણી હતી.
આ બંને શૈક્ષણિક પ્રવાસનું આયોજન શાળાના આચાર્યશ્રી અનુપમ ઉપાધ્યાયનાં નેતૃત્ત્વ હેઠળ કરવામાં આવ્યું હતું.
