અતિ દુર્લભ ગણાતા ઓરસવ જાતિનો અતિ નાનો સાપ ખૂબ ઝેરી હોય છે : દૂરથી પણ ડંખ મારે છે
(વર્તમાન પ્રવાહ વાપી બ્યુરો)
વાપી, તા.02: વાપીના ડુંગરા ગામે આજે ગુરૂવારે ખેતરમાં કામ કરી રહેલ મજૂરને એક ઝેરી સાપએ ડંખ માર્યો હતો. મજૂરને તાત્કાલિક સારવાર માટે ખસેડાયા બાદ રેસ્ક્યુ ટીમને ફોન કરવામાં આવતા ઘટના સ્થળે પહોંચી રેસ્ક્યુ ટીમે કુનેહથી ઝેરી વાયપરનું રેસ્ક્યુ કરી પકડી લીધો હતો.
વાપી ડુંગરામાં આજે સવારે કામ કરી રહેલા મજૂરને ઝેરી વાયપર કરડતા તાત્કાલિક ડુંગરી હોસ્પિટલમાં ખસેડાયો હતો. બીજી તરફ રેસ્ક્યુ ટીમ ફોરેસ્ટને જાણ કરવામાં આવી હતી. ટીમના મુકેશભાઈએ આબાદ રીતે વાઈપરનું રેસ્ક્યુ કરી લીધું હતું. તેમજ રેસ્ક્યુ કરાયેલ વાઈપર અંગે માહિતી આપતા જણાવ્યું હતું કે, ઓરસવ જાતીનું વાઈપર અતિ દુર્લભ છે. આ વિસ્તારમાં 20 વર્ષ બાદ જોવા મળેલ છે. ખુબ નાની સાઈઝ હોય છે અને તેના બચ્ચા પણ ત્રણ ઈંચ સાઈઝના હોય છે. ખોરાક નહી મળતા આવા વાઈપર રહેણાંક વિસ્તારમાં ખાસ કરીને ઊંદરોનો શિકાર કરવા આવી જતા હોય છે. હોસ્પિટલમાં સારવાર લઈ રહેલ મજૂરને સાપની જાતજાણ કરવામાં આવતા તબીબે અકસિર ઈલાજ કરતા મજૂર ભયમુક્ત છે.