(વર્તમાન પ્રવાહ ન્યુઝ નેટવર્ક)
સેલવાસ, તા.09: દાદરા નગર હવેલી અને દમણ દીવ ખેલ અને યુવા વિભાગ દ્વારા પ્રશાસકશ્રી પ્રફુલભાઈ પટેલના માર્ગદર્શનમાં ખેલ વિભાગના નિર્દેશક શ્રી અરુણ ગુપ્તાના સહયોગ દ્વારા ઈન્ટર કોલેજ હરીફાઈનું આયોજન ક્રિકેટ ગ્રાઉન્ડ સાયલી ખાતે આયોજીત કરવામાં આવી હતી. જેમાં એસએસઆર કોલેજ, ડો.એપીજે અબ્દુલ કલામ, નર્સિંગ કોલેજ અને દેવકીબા કોલેજના ખેલાડીઓએ ભાગ લીધો હતો. મહિલા ખેલાડીઓ ટેનિસ બોલથી અને પુરુષ ટીમે સીઝન બોલથી ક્રિકેટ રમ્યા હતા. આ હરીફાઈમા એસએસઆર કોલેજ અને દેવકીબા કોલેજના વચ્ચે ફાઈનલ રમાઈ હતી. જેમા એસએસઆર કોલેજ વિજેતા અને દેવકીબા કોલેજની ટીમ રનર્સઅપ રહી હતી.