આરોપી કાના ઉર્ફે રમેશ કરસન કામલીયા સામે કાર્યવાહી હાથ ધરાઈ
(વર્તમાન પ્રવાહ વાપી બ્યુરો)
વાપી, તા.12: આજકાલ મોબાઈલ યુગમાં સોશ્યલ મીડિયા દ્વારા અનેક ગેરકાનૂની હરકતો પ્રયાસો થતા રહ્યાના કિસ્સા પ્રકાશમાં આવતા રહ્યા છે. તેવો જ એક બનાવ વાપીમાં રહેતી મહિલા સાથે બન્યો હતો. મહિલા ઉપર કોઈ અજાણ્યા મોબાઈલ નંબરથી અશ્લિલ ફોટા વિડીયો મોકલવામાં આવી રહ્યા હતા તેથી પિડીત મહિલાએ પોલીસ સાઈબર ક્રાઈમ વિભાગમાં ફરિયાદ કરી હતી. પોલીસે મોબાઈલ ટ્રેસ કરીને આરોપીને રાજકોટમાંથી ઝડપી પાડયો હતો.
વાપીની મહિલાની સાઈબર ક્રાઈમ પોલીસમાં થયેલી ફરિયાદ બાદ પોલીસે હાથ ધરેલી તપાસમાં મહિલા ઉપર અશ્લિલ વિડીયો ફોટા મોકલનાર આરોપી રાજકોટમાંથી ઝડપાયો હતો. આરોપી કાના ઉર્ફે રમેશ કરસન કામલીયા ઉ.વ.38 રહે.દેવાડા પાટીયા સલોન કંપની કોલોનીથી ઝડપાયો હતો. આરોપીએ દાવો કર્યો હતો કે મહિલા અને અમે સાથે નોકરી કરતા હતા. બાદમાં મોબાઈલ સંપર્ક કરવાનો પ્રયાસ કર્યો હતો. પોલીસએ આરોપીનીઅટક કરી વધુ તપાસ હાથ ધરી છે.
