૧૦૮ની અડફેટે ચઢેલ રાહદારી અને સારવાર માટે લઈ જઈ રહેલ બંનેના સારવાર દરમ્યાન મોત
(વર્તમાન પ્રવાહ ન્યુઝ નેટવર્ક)
પારડી, તા.13: 108 એમ્બ્યુલન્સ ચોવીસ કલાક નિઃશુલ્ક સેવા આપી અત્યાર સુધીમાં લાખો લોકોને બચાવી ચૂકી છે.ﾠગંભીર હાલતનાﾠદર્દીઓને ઝડપથી સારવાર મળી રહે અને મહામૂલી માનવ જિંદગી બચાવી શકાય ના ઉમદા હેતુસર 108ની ટીમ હંમેશા પ્રયત્નશીલ રહેતી હોય છે. પરંતુ કયારેક 108 પણ અકસ્માતનો ભોગ બને છે.
ગત રોજ ટુકવાડાથી ગંભીર રીતે ઘાયલ દર્દીનેﾠસારવાર માટે લઈ જતી 108 ને ખડકી પાસે બેધ્યાનપણે હાઈવેﾠક્રોસ કરતો વ્યક્તિﾠમોબાઈલ પર વાતો કરતા કરતાં આવી જતાંﾠ108ની અડફેટે આવી ચઢયો હતો. જેને પણ 108 ટીમ સારવાર માટે લઈ ગઈ હતી પરંતુ ટુકવાડાનોﾠદર્દી અનેﾠઅડફેટે ચઢેલો બન્ને દર્દીનું મોત નીપજ્યુંﾠછે.ﾠ
બનાવની વિગતો મુજબ પારડીનાﾠપરિયા ખાતેﾠપારસી ફળિયામાં રહેતાﾠ મનહરભાઈ છીબુભાઈﾠકો. પટેલઉ.વ.ﾠ45 નુંﾠટુકવાડા ઓવરા ફળિયાના રોડ પરﾠબાઇક સ્લીપ થઈ વીજ પોલમાંﾠધડાકાભેર અથડાયું હતું. આ ગંભીર અકસ્માતમાં વીજ પોલ પણ ધરાસઈ થઈ ગયો હતો અને બાઈક ચાલક મનહરભાઈ ગંભીર રીતે ઈજાગ્રસ્તﾠબનતા 108 એમ્બ્યુલન્સ સારવાર માટેﾠપારડી લઈﾠજઈ રહી હતી. આ દરમ્યાન ખડકી હાઈવેﾠહોટલ સ્વાગત આગળ સુરેશભાઈ ઠાકોરભાઈ ભરડીવાલા ઉવ 50 રહે.જૂના દીવા ભરૂચ અંકલેશ્વરﾠમોબાઈલ પર વાત કરતાં બેધ્યાન પણેﾠહાઈવે ક્રોસ કરતો હતો અને સાયરન વગાડી જતી 108ની અડફેટે ચઢીﾠગયા હતા. એક તરફ 108 માં ગંભીર હાલતમાં દર્દી હોય બીજી તરફ 108થી વ્યક્તિ ઘવાયો હોય જેથી 108નાﾠ ચાલકે એમ્બ્યુલન્સ ઉભી રાખી અડફેટે ચઢેલા દર્દીનેﾠપણ સારવાર અર્થે પારડી મોહન દયાળﾠહોસ્પિટલ લઈ ગઈ હતી પરંતુ બંને દર્દીઓનેﾠહોસ્પિટલનાﾠતબીબે મૃત જાહેર કર્યા હતા.ﾠત્યારે ગંભીર રીતે ઘાયલ ને સમયસર સારવાર અર્થે પહોંચાડવાના પ્રયત્નમાં થયેલ આ અકસ્માતમાં 108નીﾠભૂલ હતી કે નહી તે વિચાર માંગી લે છે.
