(વર્તમાન પ્રવાહ વાપી બ્યુરો)
વાપી, તા.15: વાપીની મેરેથોન ગર્લ્સ માધુરી પ્રસાદને સુષ્મા સ્વરાજ એવોર્ડથી સન્માન કરાયું છે. રોફેલ કોલેજમાં ભાજપ મહિલા મોરચા દ્વારા આયોજીત સન્માન કાર્યક્રમમાં માધુરી પ્રસાદને એવોર્ડથી સન્માનિત કરાયા હતા.
વાપી રોફેલ કોલેજમાં યોજાયેલ સન્માન કાર્યક્રમમાં વાપી નગરપાલિકા પ્રમુખ કાશ્મિરાબેન શાહના હસ્તે મેરેથોન ગર્લ્સ માધુરી પ્રસાદને શિલ્ડ આપી સન્માન કરાયું હતું. સુષમા સ્વરાજ એવોર્ડ સમાજમાં ખાસ વિશિષ્ટ મહિલા પ્રતિભાઓને એનાયત કરવામાં આવે છે તે માટે મેરેથોન ગર્લ્સ માધુરી પ્રસાદની પસંદગી કરવામાં આવી હતી.
