(વર્તમાન પ્રવાહ ન્યુઝ નેટવર્ક)
પારડી, તા.13: પારડી તાલુકાના ઉદવાડા ગામ રોહિત કોલોની ખાતે રહેતા ભરતભાઈ નારણભાઈ માંગેલાએ તારીખ 12.8.2024 ના રોજ ઉદવાડા ગામ રોહિત કોલોની સામે આવેલ દરિયા કિનારેની પ્રોટકશન વોલ પાસે પ્લાસ્ટિકના થેલામાં શંકાસ્પદ જણાતી વસ્તુ જોતા આ અંગેની જાણ પારડી પોલીસને કરી હતી. જેને લઈ પારડી પોલીસ સ્ટેશનના પી.આઇ. જી.આર. ગઢવી પી.એસ.આઇ. ડી.એલ. વસાવા સહિત પારડી પોલીસ સ્ટાફ ઉપરાંત એસ.ઓ.જી.ના પી.આઈ. એ.યુ. રોઝ પી.એસ.આઇ. આઇ.કે. મિષાી તથા એફ.એસ.એલ.ની ટીમ ઘટના સ્થળે પહોંચી ઉપસ્થિત તાલુકા વિકાસ અધિકારી ઉમરગામ તથા અન્ય બીજા પંચોની હાજરીમાં આ શંકાસ્પદ જણાતા પદાર્થને ઉદવાડા ગામ આઉટ પોસ્ટ પોલીસ સ્ટેશને લઈ જઈ તપાસ કરાતા પ્લાસ્ટિકના મીણીયા થેલામાં 10 પેકેટ જેમાં બે પેકેટ ખુલ્લા હોય જેમાં કાળા કલરનો બદામી રંગનો લાક્ષણિક ધરાવતોભેજ વાળો ચીકાસ યુક્ત અર્ધ ઘન સ્વરૂપના 10 પેકેટ પદાર્થ મળી આવ્યો હતો. સાયન્ટિક મહિલા ઓફિસર એચ.ટી.પટેલ દ્વારા નારકો ટેસ્ટ કીટ વડે આ પદાર્થને પ્રાથમિક પરિક્ષણ કરતા આ શંકાસ્પદ પ્રદાર્થ ચરસ હોવાનું બહાર આવ્યું હતું.
આ 10 પેકેટ પર બાજ પક્ષીના પંજામાં દડો પકડેલ હોય અને નારકો લખેલ તથા અન્ય પેકેટ પર રાણીનું ચિત્ર અને 1180 ગ્રામ વજન લખેલ ની સાથે ઉર્દૂમાં પણ લખાણ લખેલ હોય આ ચરસ અફઘાની હોવાનું પણ હોય શકે છે?
પંચોની હાજરીમાં તમામ 10 પેકેટમાંથી ફકત ચરસને બહાર કાઢી તેનું વજન કરવામાં આવતા 11.746 ત્ત્ જેટલું વજન આ તમામ 10 પેકેટ ચરસનો થયું હતું. હાલમાં એક કિલો ચરસની બજાર કિંમત 50 લાખ હોય કુલ 5 કરોડ 87 લાખ 30 હજાર જેટલી કિંમત આ ચરસની થવા પામી છે.
પારડી પોલીસે આ તમામ જથ્થો કબજો લઈ પોતાના અંગત ફાયદા માટે ચરસની હેરાફેરી કરી કોઈ કારણસર દરિયામાં અથવા દરિયા કિનારે પકડાઈ જવાની બીકે આ ચરસનો જથ્થો છોડી દીધો હોય અજાણ્યા ઈસમો કે ઈસમ વિરુદ્ધ એન.ડી.પી.એસ. એક્ટ 1985 ની કલમ 8(ઘ્), 22(ઘ્), 23(ઘ્) મુજબ ગુનો દાખલ કરી ફરિયાદ નોંધવામાં આવી છે.
