અજાયબ ઘટના સમુહલગ્નમાં એ ઘટી હતી કે લગ્નવેદીમાં પિતા-માતા-પૂત્રીના એક સાથે લગ્ન થયા હતા
(વર્તમાન પ્રવાહ વાપી બ્યુરો)
વાપી, તા.16
ધરમપુરના અંતરીયાળ વિસ્તારના નડગધરી ગામ તદ્દન અનોખો સમુહલગ્ન સમારોહ ગતરોજ યોજાયો હતો. જેમાં 97 જોડાઓએ પોતાના સંતાનોની હાજરીમાં લગ્નવિધિ પૂર્ણ કરી હતી.
ધરમપુર-મહારાષ્ટ્રની બોર્ડરમાં વસતા આદિવાસી સમુદાયો પરંપરાગત રીત-રિવાજો અને સામાજીક વહેવારો આજ સુધી નિભાવી રહ્યા છે. આ વિસ્તારના યુવક-યુવતિના પરિવારની સંમતિથી પ્રથમ ચાંદલાવિધિ કરી દેવાય છે. અને યુવક-યુવતિ સાથે રહેવાનું શરૂ કરી દેતા હોય છે તેથી સ્થાનિક આગેવાનો દ્વારા આર્થિક સ્થિતિના કારણે લગ્નવિધિ ના કરી શકેલા જોડાઓનો નડગધરી ગામે સમુહલગ્ન સમારોહનું આયોજન કરવામાં આવ્યું હતું. જેમાં 97 જોડાઓના શાષાોક્ત રીતે પોતાના બાળકોની હાજરીમાંલગ્નવિધિ સંપન્ન કરાઈ હતી. તેમજ બાળકોએ માતા-પિતાને આશિર્વાદ પણ આપ્યા હતા. સામાન્ય સમાજથી આ એકદમ નોખી-અનોખી પરંપરા આજે પણ ધરમપુર-કપરાડાના આદિવાસી સમુદાયમાં ચાલી રહી છે. આ સિવાય આદિવાસીઓના તહેવાર રીતરીવાજો અનેક રીતે જુદા તરી આવે છે. તેઓ તેમની સંસ્કૃતિનું જતન કરવા માંગે છે અને થઈ પણ રહ્યું છે. આ સમુહલગ્ન અજાયબ ઘટનાએ ઘટી હતી કે એક જ લગ્નવેદી ઉપર માતા-પિતા-પૂત્રી-જમાઈના પણ સાથે લગ્ન થયા હતા.
