દરિયાઈ માર્ગે પણ બુટલેગરો દારૂની હેરાફેરી કરી રહ્યા છે
(વર્તમાન પ્રવાહ વાપી બ્યુરો)
વાપી, તા.15: પોલીસને મળેલી બાતમી આધારે વલસાડ હિંગળાજ ભદેલી નિમરભાઠા ફળીયા પાસે આવેલ સ્મશાન ભૂમિ પાસે દમણથી લવાયેલ દારૂનો જથ્થો બોટમાંથી ઝડપી પાડયો હતો.
વલસાડ રૂરલ પોલીસ ટીમ બાતમી બાદ તાત્કાલિક ઘટના સ્થળે દોડી ગઈ હતી. સ્મશાન ભૂમિ સામે તટીના તટમાં દારૂ લાવી ખાલી કરાય તે પહેલાં પોલીસ પહોંચી ગઈ હતી. બોટમાંથી પોલીસે 264 બોટલ દારૂનો જથ્થો કબજે કર્યો હતો. પોલીસ પહોંચે તે પહેલાં ત્રણ આરોપી ફરાર થઈ જતા વોન્ટેડ જાહેર કરવામાં આવ્યા હતા. ગુનો નોંધી પોલીસે વધુ તપાસ હાથ ધરી છે.