કશ્યપ રમેશભાઈ પંચાલને ફેક્ટરીથી છૂટી ઘર તરફ જતા અકસ્માત નડયો : ઘટના સ્થળે જ કશ્યપનું મોત
(વર્તમાન પ્રવાહ વાપી બ્યુરો)
વાપી, તા.16: વાપી જીઆઈડીસી થર્ડફેઈઝ રોડ સરદાર ચોકની નજીક બુધવારે રાતે બે બેફામ દોડી રહેલી બાઈકો સામસામે ભટકાતા ગંભીર અકસ્માત સર્જાયો હતો. જેમાં એક બાઈક ચાલકનું ઘટના સ્થળે જ મોત નિપજ્યું હતું. જ્યારે અન્ય બાઈકના ચાલક સહિત પાછળ બેસેલા નીચે પટાકા ગંભીર હાલતમાં સારવાર માટે ખસેડાયા હતા.
વાપી જીઆઈડીસી થર્ડફેઈઝ સરદાર ચોક નજીક આવેલ ગાર્નટ પેપર મીલ સામે મંગળવારે રાતે બાઈક નં.જીજે 15 સીએ 3390 અને બાઈક નં.જીજે 15 ડીએચ7001 ફુલ સ્પીડમાં એકબીજા સાથે ધડાકાભેર અથડાઈ હતી. અકસ્માત બાઈક સવારે નીચે પટકાતા ગંભીર રીતે ઘાયલ થયા હતા તે પૈકી એક કેટીએમ બાઈક સવાર કશ્યપ રમેશભાઈ પંચાલએ હેલ્મેટ નહોતુ પહેર્યું તેથી પટકાતા જ સ્થળ ઉપર કરુણ મોત થયું હતું જ્યારે અન્ય બાઈક બે સવારે પણ ગંભીર રીતે ઘાયલ થયા હતા. લોકોએ 108 દ્વારા ઘાયલ બે ને સારવાર માટે ખસેડયા હતા. ઉદ્યોગનગર પોલીસે રાતે ઘટના સ્થળે પહોંચી વધુ તપાસ અને જરૂરી કાર્યવાહી હાથ ધરી હતી.
