(વર્તમાન પ્રવાહ વાપી બ્યુરો)
વાપી, તા.19: રોટરી ક્લબ ઓફ વાપી રિવરસાઈડની યુવા પાંખ, રોટરેક્ટ ક્લબ ઓફ વાપી રિવરસાઈડ ના ઉપક્રમે ‘‘COLOURFUL THOUGHTS” ચિત્ર સ્પર્ધાનુ આયોજન કરવામાં આવ્યું છે. આ સ્પર્ધા 16 એપ્રીલ 2023 ના રોજ આશાધામ શાળાના ફાધર સર્જિયો મલ્ટીપર્પઝ હોલ ખાતે યોજાશે. આ સ્પર્ધાના વિષયો (1) ફયૂચર ઓફ ઈન્ડિયા, (2) જી-20, (3) વસુદૈવ કુટુમ્બકમ છે.
દરેકસ્પર્ધક પોતાની કલાને ચિત્રોના માધ્યમથી રજૂ કરશે. રોટરેક્ટ પ્રેસિડેન્ટ રોટ. સુમિત સીંગ, પ્રોજેક્ટ ચેરમેન રોટ. યશ અઢિયા તથા કો-ચેરમેન રોટ. બાલાજી પિલ્લાઈની આગેવાની હેઠળ આ ચિત્ર સ્પર્ધામાં 300 થી વધુ સ્પર્ધકો ભાગ લેશે અને તેમાંથી શ્રેષ્ઠ સ્પર્ધકને ટ્રોફી અને દરેક સ્પર્ધકને સર્ટિફિકેટ આપીને પ્રોત્સાહિત કરવામાં આવશે.