(વર્તમાન પ્રવાહ ન્યુઝ નેટવર્ક)
દમણ, તા.20 : આજે દમણ જિલ્લા ભાજપના સોમનાથ મંડળમાં બૂથ સશક્તિકરણની બેઠક સંગઠન મહામંત્રી શ્રી વિવેક દાઢકરની ઉપસ્થિતિમાં મળી હતી. પ્રદેશ ભાજપ ઓબીસી મોર્ચાના અધ્યક્ષ શ્રી હરિશભાઈ પટેલના નિવાસ સ્થાને આયોજીત બેઠકમાં સોમનાથ મંડળના અધ્યક્ષ શ્રી પ્રેમ ભંડારી તથા મંડળની બૂથ સમિતિના પદાધિકારીઓ ઉપસ્થિત રહ્યા હતા.
આ પ્રસંગે બૂથ સશક્તિકરણ અંગે સંગઠન મહામંત્રી શ્રી વિવેક દાઢકરે મનનીય માર્ગદર્શન આપ્યું હતું. આ પ્રસંગે પ્રદેશ મહામંત્રી શ્રી મનિષ દેસાઈ, જિલ્લા પંચાયતના સભ્ય શ્રીમતી રીનાબેન પટેલ, શ્રીમતી વર્ષિકાબેન પટેલ, પ્રદેશ ઓબીસી મોર્ચાના અધ્યક્ષ શ્રી હરિશભાઈ પટેલ, દમણ જિલ્લા ભાજપ મહામંત્રી શ્રી રાજીવ ભટ્ટ, શ્રી પિયુષભાઈ પટેલ, શ્રી મહેન્દ્ર કામલી વગેરે ઉપસ્થિત રહ્યા હતા.
