Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

વાપી પાલિકા વોર્ડ નં.10 સુલપડમાં પાણી સમસ્‍યા ઉકેલવા લોકોએ પાલિકા પાસે લીધેલી લેખિત બાહેંધરી

પાંચ દિવસમાં પાણી સમસ્‍યા ઉકેલી જશે એવી પાલિકાએ લેખિત બાહેંધરી આપી : આ વિસ્‍તારમાં વધુ પડતો મિલકત વેરો બાકીનું કારણ પાણી હોઈ શકે

(વર્તમાન પ્રવાહ વાપી બ્‍યુરો)
વાપી, તા.24: હજુ ઉનાળાનો પ્રારંભ જ થઈ રહ્યો છે ત્‍યાં વાપીમાં પાણીનો કકળાટપણ વધી રહ્યો છે તેવો તાજો બનાવ પાલિકાના વોર્ડ નં.10 મોટી સુલપડ, ધોડિયાવાડ વિસ્‍તાર એક-એક મહિનાથી નગરપાલિકાના પાણીથી વંચિત રહેતા મામલો આંદોલનમાં ફેરવાઈ ગયો. સ્‍થાનિક આગેવાનો અને લોકોએ પાલિકામાં પાણી મામલે હલ્લાબોલ મચાવી દીધો હતો. મામલો એટલો ઉગ્ર બન્‍યો હતો કે પાલિકાએ લોકોને પાણીની સમસ્‍યા ઉકેલવા માટે લેખિત બાહેંધરી આપવાની નોબત આપી હતી.
વાપી સુલપડના કેટલાક વિસ્‍તારોમાં પાછલા એક માસથી પાલિકાનું પાણી મળતું નથી તેથી લોકોએ કલેક્‍ટર સુધી રજૂઆત કરી હતી પરંતુ પરિણામ શુન્‍ય આવતા અંતે પાણીનો મામલો વધુ ગરમાયો હતો. ગઈકાલે સ્‍થાનિક કાર્યકરો સુનિલ પટેલ, રાજેશ પટેલ સહિત મોટી સંખ્‍યામાં લોકો પાલિકામાં ધસી ગયા હતા. જ્‍યાં પાલિકા એન્‍જિનિયરને મળી પાણી સમસ્‍યાની તિવ્ર રજૂઆત કરી હતી. પરંતુ મામલો વધી ગયો. લોકોને પાલિકાના ઠાલા વચન, ભરોસો જોઈતો નહોતો તેથી પાલિકા પાસે પાણીની સમસ્‍યા ઉકેલ લાવવા લેખિત બાહેંધરી માંગી અને મામલાની ગંભીરતા જોઈએ. પાલિકાએ દિન પાંચમાં પાણી સમસ્‍યા ઉકેલી જશે તેવી બાહેંધરી આપી ત્‍યારે મામલો માંડ થાળે પડયો હતો. ઉલ્લેખનીય છે કે, આ વિસ્‍તારમાં પાલિકાનો બાકી મિલકત વેરો ભરપાઈ થતો નથી. અગર ઓછો ભરપાઈ થાય છે તેની પાછળનું કારણ પાણી સમસ્‍યા પણ હોઈ શકે!

Related posts

દાનહ ખાનવેલ સરકારી ઉચ્‍ચતર માધ્‍યમિક શાળાના શિક્ષક સામે વિદ્યાર્થીઓ સાથે ગેર વર્તણુક કરતોવિડીયો વાયરલ થતાં સસ્‍પેન્‍ડ કરાયા

vartmanpravah

એન્‍જિનિયર્સ એસોસિએશન ઓફ વાપી દ્વારા યોજાયેલ રક્‍તદાન શિબિરમાં 108 યુનિટ રક્‍ત એકત્રિત કરાયું

vartmanpravah

દમણવાડા ગ્રામ પંચાયતે સિંગલ યુઝ પ્‍લાસ્‍ટિકના પ્રતિબંધની સાથે તમાકુ ગુટખા મુક્‍ત પંચાયત બનાવવા પણ વ્‍યક્‍ત કરેલો સંકલ્‍પ

vartmanpravah

વાપીના હાર્દ ગણાતા ચલા ખાતે એમ.ડી.સ્‍કીન ડો. ખુશ્‍બુ મોડાસિયાના સ્‍કીન ઝેન ક્‍લિનીકનો શુભારંભ

vartmanpravah

વલસાડ જિલ્લામાં 25-26મીએ કમોસમી વરસાદની આગાહી

vartmanpravah

ચીખલી પોલીસે ચોરીના 49 જેટલા મોબાઈલ સાથે બે જેટલા યુવકોની અટક કરી કાયદેસરની કાર્યવાહી હાથ ધરી

vartmanpravah

Leave a Comment