અપહરણ અને પોક્સોની કલમ લગાવી સમગ્ર કેસ એન્ટી હ્યુમન ટ્રાફિકિંગ યુનિટ ઈન્સપેક્ટરને સોંપાયો
(વર્તમાન પ્રવાહ ન્યુઝ નેટવર્ક)
પારડી, તા.30: પારડી નજીકના એક ગામમાં પરપ્રાંતીય એવો પરવિન્દર જગજીવનરામ વિશ્વકર્મા રહે.રાની નગર કોલોની, તાલુકા – પલિયાકલા, જિલ્લા-લખમીપુર, ઉત્તર પ્રદેશનાઓ પારડી નજીકના એક ગામમાં રહેતા પોતાના ભાઈના ઘરે અવારનવાર આવી રહેતો હતો. આ દરમિયાન ભાઈના બાજુના રૂમમાં રહેતી એક 17 વર્ષીય સગીરાને પ્રેમ જાળમાં ફસાવી લગ્નની લાલચ આપી ટ્રેન દ્વારા આજથી ચાર વર્ષ પહેલા અપહરણ કરી લઈ ગયો હતો.
પારડી પોલીસ સ્ટેશનના એ.એસ.આઈ. ચંદુભાઈ સુરપાલને આ આરોપી અંગેની બાતમી મળતા પારડી પોલીસ સ્ટેશનના એ.એસ.આઈ. ચંદુભાઈ સુરપાલ, અ.પો.કો. કરણભાઈ મહેશભાઈ તથા મહિલા પો.કો. તૃપ્તિબેન બળવંતભાઈની ટીમે મહારાષ્ટ્રના પાલઘર પેલહાર વિસ્તારમાં પહોંચી ત્યાં રહેતા આરોપી પરવીનદરને ઝડપી પાડી પારડીપોલીસ સ્ટેશને લાવી અપહરણ તથા પોસકો એક્ટની કલમ લગાવી આ કેસની તપાસ વલસાડ એન્ટી હુમન ટ્રાફિકીંગ યુનિટ ઈન્સ્પેક્ટરને સોંપવામાં આવી છે.
