(વર્તમાન પ્રવાહ ન્યુઝ નેટવર્ક)
સરીગામ, તા.26: સરીગામ જીઆઈડીસીમાં કાર્યરત કોરોમંડલ ઈન્ટરનેશનલ કંપની દ્વારા બીલીયાની પ્રાથમિક શાળામાં ગામના અગ્રણી તેમજ શાળાના સંચાલકો દ્વારા માંગણી કરતા બે વર્ગખંડ તૈયાર કર્યા હતા. આ નિર્માણ કરવામાં આવેલા બે ઓરડા શાળાના વિદ્યાર્થીઓ માટે ખુલ્લા મુકવા લોકાર્પણ વિધિનું આયોજન કરવામાં આવ્યું હતું. જેમાં જિલ્લા કલેકટર ક્ષિપ્રા અગ્રે ખાસ ઉપસ્થિત રહી સરીગામની કોરોમંડલ કંપની દ્વારા સીએસઆર અંતર્ગત જન ઉપયોગી કરવામાં આવતી પ્રવૃત્તિઓની પ્રશંસા કરી હતી. આ પ્રસંગે પારડી પ્રાંતઅધિકારી શ્રી વસાવા, ઉમરગામ મામલતદાર શ્રી આર.આર. ચૌધરી, જિલ્લા પંચાયતના સભ્ય શ્રી જીગ્નેશભાઈ, બીલીયા ગામના સરપંચ શ્રી ભરતભાઈ, કલગામ ગામના સરપંચ શ્રી રોહિતભાઈ, માજી ધારાસભ્ય શ્રી શંકરભાઈ વારલી, શાળાના શિક્ષકગણ અને વાલીઓ તેમજ કોરોમંડલ કંપનીના યુનિટ હેડ શ્રી સંતોષ સી. એચ, એચ.આર. મેનેજર શ્રી નરેશભાઈ પટેલ, સીએસઆર ડિપ્યુટી મેનેજર શ્રી બ્રિજેશભાઈ પંચાલ વગેરેની હાજરી જોવા મળી હતી.
