પિયાગોના ઘાયલ મુસાફરોને ધરમપુર સ્ટેટ હોસ્પિટલમાં ખસેડાયા
(વર્તમાન પ્રવાહ વાપી બ્યુરો)
વાપી, તા.31: અકસ્માત ઝોન કપરાડા કુંભઘાટ ઉપર આજે શુક્રવારે વધુ એક અકસ્માત સર્જાયો હતો. નાસિક તરફથી આવી રહેલ ટાયર ભરેલ કન્ટેનરની બ્રેક ફેઈલ થતા આગળ જઈ રહેલ મુસાફરો ભરેલ પિયાગો રીક્ષા સાથે ભટકાતા ગંભીર અકસ્માત સર્જાયો હતો.
નાસિક તરફથી ટાયરો ભરેલ કન્ટેનર કુંભઘાટ પરથી ઉતરી રહેલ તે દરમિયાન બ્રેક નહીં લાગતા આગળ જઈ રહેલ પિયાગોને ભટકાતા સર્જાયેલા અકસ્માતમાં કન્ટેનર પલટી મારી ગયું હતું. બીજી તરફ પિયાગો સવાર ચાલક સહિત મુસાફરોને નાની મોટી ઈજાઓ થઈ હતી. તમામને સારવાર માટે ધરમપુર હોસ્પિટલમાં ખસેડાયા હતા. સદનસીબે કોઈ જાનહાની અકસ્માતમાં થવા પામી નહોતી.
