(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.03: ચીખલી પોલીસે નેશનલ હાઈવે પરના આલીપોર પાસેટ્રકમાંથી રૂા.8.52 લાખનો વિદેશી દારૂનો જથ્થો ઝડપી પાડ્યો હતો.
પોલીસ મથકેથી પ્રાપ્ત માહિતી અનુસાર રવિવારના રોજ સાંજના સમય પૂર્વે બાતમીના આધારે પીઆઈ- કે.જે. ચૌધરી, પીએસઆઈ- સમીર જે. કડીવાલા તથા મહેન્દ્રભાઈ, વિજયભાઈ, ગણપતભાઈ, અલ્પેશભાઈ સહિતના સ્ટાફે નેશનલ હાઈવે પર આલીપોર રેલવે ઓવરબ્રિજ પાસે વોચ ગોઠવી બાતમી મુજબની જીજે-15-એવી-0790 ને અટકાવી તપાસ કરતા વિદેશી દારૂની વિસ્કી અને ટીન બિયરની નાની-મોટી બોટલ નંગ-2988 નો રૂા.8,52,000/- નો જથ્થો મળી આવતા ટ્રક સાથે કુલ રૂા.18,57,000/- મુદ્દામાલ કબ્જે કરી ચાલક મહમદસકીલ કલીમીદ્દીન અંસારી (ઉ.વ-43) (રહે.ભીવંડી નવી વસ્તી નહેરુનગર કલ્યાણ રોડ મહારાષ્ટ્ર) ને ઝડપી પાડી રાજસ્થાન જયપુરના ધીરજભાઈ તથા અન્ય બે જેટલાને વોન્ટેડ જાહેર કરી વધુ તપાસ હાથ ધરી હતી.
