(વર્તમાન પ્રવાહ ન્યુઝ નેટવર્ક)
સેલવાસ, તા.06: દાદરા નગર હવેલીના નરોલી પંચાયતને ભીલોસા ઇન્ડસ્ટ્રીઝના અધિકારીઓ દ્વારા મોક્ષ રથની ભેટ આપવામાં આવી હતી જેની ચાવી કલેક્ટરશ્રીને સોપવામાં આવી હતી. જે સંદર્ભે આજે ઉદ્ઘાટન કાર્યક્રમનું આયોજન કરવામાં આવ્યું હતું. ભિલોસા કંપનીના સિનિયર વાઇસ પ્રેસીડેન્ટ શ્રી પ્રશાંત જગતાપે મોક્ષ રથને લોકોના ઉપયોગ હેતુ કલેક્ટરશ્રીને સુપ્રદકરવામાં આવ્યો હતો અને કલેક્ટર શ્રીમતી ભાનુ પ્રભાએ ગામના સરપંચ લીલાબેન પટેલને અર્પણ કર્યો હતો.
આ અવસરે કલેક્ટર શ્રીમતી ભાનુ પ્રભાએ નરોલી ગ્રામ પંચાયતને મોક્ષ રથની ભેટ કરવા બદલ ભીલોસા ઇન્ડસ્ટ્રીઝની સરાહના કરી હતી અને જણાવ્યું હતું કે, આ મોક્ષ રથ ફક્ત નરોલી પંચાયત વિસ્તાર પુરતો જ નહિ પરંતુ નરોલી બહાર અન્ય ગામના લોકોને પણ ઉપયોગી બનશે. આ અવસરે કલેક્ટર ભાનુ પ્રભા ઉપરાંત દાનહ જિલ્લા પંચાયત પ્રમુખ નિશા ભવર, જિ.પં.ના સી.ઈ.ઓ. ડો. અપૂર્વ શર્મા, સેલવાસ પાલિકા પ્રમુખ રાકેશસિંહ ચૌહાણ, સરપંચ લીલાબેન પટેલ, પંચાયતના સભ્યો સહિત ગામના અગ્રણીઓ ઉપસ્થિત રહ્યા હતા.