(વર્તમાન પ્રવાહન્યુઝ નેટવર્ક)
પારડી, તા.12: પારડી પોલીસ સ્ટેશનની સામે આવેલ સર્વિસ રોડ પર પારડી પોલીસ દ્વારા વિવિધ ગુનાઓમાં જપ્ત થયેલ મોટા વાહનોનો ખડકલો છેલ્લા ઘણા સમયથી રહેતો હોય સ્કૂલ ટાઈમ કે વર્કિંગ આવસ દરમિયાન અહીં વારંવાર ટ્રાફિકની સમસ્યા રહેતી હતી.
લોક દરબાર કે પોલીસ દ્વારા રાખવામાં આવેલ મીટિંગોમાં આ અંગેની રજૂઆત પણ શહેરના પ્રવૃત્તિ નાગરિકો ઘણીવાર કરી ચૂકયા છે પરંતુ પોલીસ માટે પણ જગ્યા નહીં સમસ્યાને લઈ આ ખડકલો જેમનો તેમ રહેવા પામ્યો હતો. પરંતુ આજ રોજ અહીં સર્વિસ રોડ પર રાખેલ મોટા વાહનોને ખસેડી રોડ ખુલ્લો કરવાની કામગીરી શરૂ થતા લોકોમાં ખુશીની લાગણી છવાઈ ગઈ છે અને વર્ષો જૂની ટ્રાફિકની સમસ્યાનો પણ અંત આવ્યો છે. નગરજનો પારડી પોલીસ પાસેથી એક જ આશા રાખે છે કે ઘણા વર્ષો બાદ અહીંથી મોટા વાહનોના ખડકલો દૂર થતા ટ્રાફિકની સમસ્યા દૂર થવા પામી છે. તો ફરીથી અહીં મોટા વાહનો મૂકવામાં ન આવે જેથી કાયમી માટે ટ્રાફિકની સમસ્યા નિવારી શકાય.
