રેટલાવ ગામેથી સાતજેટલા જુગારિયા ઝડપ્‍યા

(વર્તમાન પ્રવાહ ન્‍યુઝ નેટવર્ક)
પારડી, તા.12: પારડી તાલુકાના રેટલાવ ગામે ગ્રામ પંચાયત ઓફિસની પાછળ ખુલ્લા મેદાનમાં કેટલાક ઈસમો ટોળે વળી હાર-જીતનો જુગાર રમતા હોવાની બાતમી પારડી પોલીસ મથકના પોલીસ કોન્‍સ્‍ટેબલ ક્રીપાલસિંહને મળતા અન્‍ય પોલીસ કર્મીઓની સાથે બાતમી વાળી જગ્‍યાએ છાપો મારતા જુગાર રમતા જુગારિયાઓમાં ભાગદોડ મચી ગઈ હતી. પોલીસે જુગાર રમતા 1. દિવ્‍યેશ છોટુંભાઈ પરમાર, રહે.પારડી, રેંટલાવ ટેકરી ફળિયા, 2.કેવલ બચુભાઈ પટેલ રહે.પારડી કીકરલા, સન રેસીડેન્‍સી, 3.મિલન પરષોત્તમ પરમાર રહે.પારડી, રેંટલાવ ચૈતન્‍ય નગર, 4.વિવેક હસમુખભાઈ પટેલ રહે.પારડી રેંટલાવ ચૈતન્‍ય નગર, 5.દર્શન પ્રવીણભાઈ પરમાર રહે.પારડી રેંટલાવ ચૈતન્‍ય નગર, 6.ધ્રુવીન હરીશભાઈ પટેલ રહે.પારડી ઓરવાડ કોળીવાડ, અને 7.દેવાંગ પંકજભાઈ પટેલ રહે.પારડી રેંટલાવ ચૈતન્‍ય નગર પારડીને ઝડપી લીધા હતા. પોલીસે દાવ પર મૂકેલા રૂા.860, અંગઝડતીના રૂા.4980 તેમજ ચાર મોબાઈલ ફોન રૂા.15,500 મળી કુલ્લે રૂા.21340નો મુદ્દામાલ કબજે લઈ જુગાર ધારા હેથળ તમામની ધરપકડ કરી હતી.