પ્રદેશ ભાજપ મહિલા મોર્ચાના અધ્યક્ષ સિમ્પલબેન કાટેલાએ નાની દમણ મોરા ફળિયા ખાતે આવેલ કુવાની સાફ સફાઈ સાથે નવિનીકરણ કરાવતા સ્થાનિક લોકોમાં આનંદનો માહોલ
(વર્તમાન પ્રવાહ ન્યુઝ નેટવર્ક)
દમણ, તા.13: દાદરા નગર હવેલી અને દમણ-દીવ પ્રદેશ ભાજપ મહિલા મોર્ચાએ આજે સામાજીક ન્યાય સપ્તાહ અંતર્ગત પ્રદેશ મહિલા મોર્ચાના અધ્યક્ષ શ્રીમતી સિમ્પલબેન કાટેલાના નેતૃત્વમાં તીન બત્તી નજીક જલારામ મંદિરના પ્રાંગણમાં મહિલાઓ દ્વારા સફાઈ અભિયાન ચલાવવામાં આવ્યું હતું.
નાની દમણ મોરા ફળિયા ખાતે આવેલ કુવાના પાણીને સાફ કરાવી કુવાનું નવિનીકરણ પણ પ્રદેશ ભાજપ મહિલા મોર્ચાના અધ્યક્ષ શ્રીમતી સિમ્પલબેન કાટેલાએ કરાવ્યું હતું જેના કારણે સ્થાનિક લોકોમાંભારે ખુશીનો માહોલ પણ જોવા મળ્યો હતો. આ તમામ કાર્યક્રમમાં મહિલા મોર્ચાના પદાધિકારીઓ પોતાનો અમૂલ્ય સહયોગ આપ્યો હતો.
