(વર્તમાન પ્રવાહ ન્યુઝ નેટવર્ક)
દમણ, તા.08 : સંઘપ્રદેશના પ્રશાસક શ્રી પ્રફુલભાઈ પટેલ સાથે આજે સચિવાલયમાં ઇન્ડિયન પોલીસ સર્વિસ (આઈ.પી.એસ.)ના 2023 બેચના પ્રોબેશનરી અધિકારીઓએ મુલાકાત કરી પોતાના અનુભવોનું આદાન-પ્રદાન પ્રશાસકશ્રી સમક્ષ કર્યું હતું. પ્રશાસક શ્રી પ્રફુલભાઈ પટેલે આઈ.પી.એસ. અધિકારીઓ તરીકે નિયુક્ત થયેલા તમામ અધિકારીઓને શુભકામના અને તેમના ઉજ્જવળ ભવિષ્યની કામના કરી હતી.
બેઠક દરમિયાન નેપાળ પોલીસ સંગઠન (એન.પી.ઓ.) અને રોયલ ભૂટાન પોલીસ (આર.બી.પી.)ના પ્રતિનિધિઓ પણ ઉપસ્થિત રહ્યા હતા. જેમાં નેપાળ પોલીસ સંગઠનના પ્રતિનિધિઓએ બંને દેશો વચ્ચે સદ્ભાવના અને સહયોગ તથા મજબૂતિના પ્રતિક રૂપે પ્રશાસકશ્રીને સ્મૃતિ ચિﾎ ભેટ આપ્યું હતું.
સંઘપ્રદેશના પ્રશાસકશ્રી સાથેની મુલાકાત દરેક અધિકારીઓ માટે અત્યંત પ્રેરણાદાયક, માર્ગદર્શક અને પ્રોત્સાહક રહેવા પામી હતી અને તેઓએ દિલથી પ્રશાસકશ્રીનો આભાર પણ પ્રગટ કર્યો હતો.
