(વર્તમાન પ્રવાહ ન્યુઝ નેટવર્ક)
પારડી, તા.19: પારડીના બાલદા ખાતે એલ એન્ડ ટી કંપનીના સાઈડ પર બે દિવસ અગાઉ ગત તા.18 એપ્રિલના રોજ ઝારખંડ, હાડ મલ્લીથી મંજૂરી કામે આવેલો કામદાર અશરફુલ સૈયદ શેખ ઉવ 43 એલ એન્ડ ટી ના પ્રબલ કળષ્ણકાંતા રોયના કોન્ટ્રાકટમાં ગત મંગળવારના રોજ કામ કર્યા બાદ બપોરે મેસમાં જમ્યા પછી બીજા કંપનીના માણસો સાથે કંપનીના રૂમમાં સૂતા હતા. જે બાદ સાંજે ઉઠ્યા બાદ છાતીમાં દુખાવો થતો હોવાની અશરફુલે સાથી કામદારોને ફરિયાદ કરતાં સાથી કામદારોસુપરવાઈઝરને જાણ કરી એમ્બુલન્સ મારફતે પારડી સીએચસી હોસ્પિટલ લઈ ગયા હતા. જ્યાં ફરજ પરના તબીબે મૃત જાહેર કર્યા હતા. જોકે તેના મોતનું સાચું કારણ જાણવા પારડી પોલીસે ફરિયાદ આધારે પીએમ કરાવી વધુ કાર્યવાહી હાથ ધરી છે.
