પોલીસ અને પાલિકા દ્વારા હાથ ધરવામાં આવેલી કાર્યવાહી
(વર્તમાન પ્રવાહ ન્યુઝ નેટવર્ક)
સેલવાસ, તા.21: સેલવાસના બાવીસા ફળિયામા એક ચિકનશોપના માલિક દ્વારા તિરંગા ઝંડાનું અપમાન કરતો હોવાનો વિડીયો વાયરલ થતા રોષની લાગણી જોવા મળી હતી.
પ્રાપ્ત વિગત અનુસાર સેલવાસના બાવીસા ફળિયામાં આવેલ અપના ચિકન શોપના માલિક હસીન કુરેશી એની દુકાનમાં કાપેલી ચિકનને તિરંગા ઝંડાથી સાફ કરતો હોવાનો વિડીયો સોશિયલમીડિયામાં વાયરલ થયો હતો. આ વિડીયો જોયા બાદ પ્રદેશના લોકોમાં રોષની લાગણી જોવા મળી હતી. સોશિયલ મિડિયામાં વાયરલ વિડીયો પોલીસ ડિપાર્ટમેન્ટને મળતા પોલીસ વિભાગ દ્વારા ચિકનશોપના માલિક હસીન કુરેશીની ધરપકડ કરી આગળની કાર્યવાહી હાથ ધરવામા આવી હતી અને સેલવાસ પાલિકાના અધિકારીઓ દ્વારા પણ અપના ચિકન શોપ દુકાનને સીલ કરવામા આવી હતી. પાલિકા જ્યારે કાર્યવાહી કરી રહી હતી ત્યારે મોટી સંખ્યામા લોકો ભેગા થઈ ગયા હતા.
