(વર્તમાન પ્રવાહ ન્યુઝ નેટવર્ક)
પારડી, તા.26: પારડી તાલુકાના ગોઈમા ગામે મોટા ફળિયા ખાતે રહેતા મહેશભાઈ પરાગભાઈપટેલ ઉવ 50 એ ગત રોજ પોતાના ઘરે કોઈ કારણસર પંખા સાથે દોરી બાંધી ગળે ફાંસો ખાઈ લીધો હતો. મહેશભાઈનો પુત્ર કોલેજથી ઘરે આવતા તેણે ઘરનો મેઈન દરવાજો બંધ જોયો હતો. જે બાદ તે અન્ય રૂમ મારફતે દીવાલ પરથી ઘરમાં પ્રવેશતા આખી ઘટના પ્રકાશમાં આવી હતી. મહેશભાઈને ફાંસો ખાધેલી હાલતમાં જોઈ તેમને તાત્કાલિક નીચે ઉતારી રોહિણા સરકારી હોસ્પિટલ લઈ જવાયા હતા જ્યાં ફરજ પરના તબીબે મહેશભાઈને મૃત જાહેર કરવામાં આવતા આ અંગે પારડી પોલીસને જાણ કરવામાં આવી હતી. પારડી પોલીસે મૃત દેહનો કબ્જો મેળવી પીએમ કરાવી વધુ કાર્યવાહી હાથ ધરી છે.