(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.27: ચીખલી તાલુકાના રાનકુવા ચોકીના પીએસઆઈ મહેન્દ્રભાઈ ગામીત ઉપરાંત કલ્પેશભાઈ, દિનેશભાઇ સહિતનો સ્ટાફ રાત્રી દરમ્યાન પેટ્રોલીંગમાં હતા. દરમ્યાન વાંઝણા ગામે આંબાવાડીમાંથી કેરી તોડી ચોરી લાવી બે જેટલા કેરેટમાં 42-કિલોગ્રામ જેટલો કેરીનો જથ્થો ભરી જતા પોલીસે વાંઝણા નવા ફળિયાના સુમિત રાજુ મોહન પટેલ, રાજુ મનુ હળપતિ, છના લલ્લુ હળપતિ એમ ત્રણ જેટલાને ઝડપી પાડી કાયદેસરની કાર્યવાહી હાથ ધરી હતી. કેરીની સિઝન શરૂ થાય તે પૂર્વે જ કેરી ચોરો સક્રિય થતા ખેડૂતો, વેપારીઓ અને પોલીસે વધુ સજાગતા રાખવાની સ્થિતિ સર્જાવા પામી છે.
